Рекламный баннер 990x90px header-top
Рекламный баннер 728x90px center-top
Архив
Поделитесь новостями с жителями города
Если Вы стали свидетелем аварии, пожара, необычного погодного явления, провала дороги или прорыва теплотрассы, сообщите об этом в ленте народных новостей. Загружайте фотографии через специальную форму.
Саха Өрөспүүбүлүкэтин Ил Дархана Айсен Сергеевич Николаев төрөөбүт тыл уонна сурук-бичик күнүнэн эҕэрдэтэ
10:38
13.02.2024
Саха Өрөспүүбүлүкэтин Ил Дархана Айсен Сергеевич Николаев төрөөбүт тыл уонна сурук-бичик күнүнэн эҕэрдэтэ«Ытыктабыллаах Саха сирин олохтоохторо!
Саха Өрөспүүбүлүкэтин салалтатын аатыттан уонна тус бэйэм өрөспүүбүлүкэбитигэр ыытыллар Төрөөбүт тыл уонна сурук-бичик күнүнэн эҕэрдэлиибин!
Аныгы олоххо глобализация уонна урбанизация усулуобуйатыгар төрөөбүт тыллары чөл хаалларыы уонна сайыннарыы кыһалҕата дойду сайдыытын биир сытыы боппуруоһунан буолар. Хас биирдии тыл киһи аймах духуобунай нэһилиэстибэтигэр сүҥкэн кылааты киллэрэр.
Арассыыйа Федерациятын Бэрэсидьиэнэ Владимир Путин омуктар икки ардыларыгар сыһыаҥҥа сэбиэт мунньаҕар тыл этэригэр: «Биһиги араас омуктаах улахан дойдулаахпыт. Бу араас култуура, үгэс – биһиги күүспүт, күрэстэһэр кыахпыт», - диэбитэ.
2024 сыл – Арассыыйаҕа Дьиэ кэргэн, Саха Өрөспүүбүлүкэтигэр – Оҕо саас сыла. Онон оҕолор төрөөбүт тылларыгар интэриэстэрин күүһүрдүүгэ, тылы сайыннарыыга улахан болҕомто ууруллуоҕа. Бу үлэ дьиэ кэргэҥҥэ саҕаланыахтаах, оҕо ис кыаҕа ийэ тылын нөҥүө төрөөбүт саҥатынан толору арыллар.
Бүгүн оҕолор интернет ситимиттэн информация ылаллар. Онон тыллары чөл хаалларыыга уонна сайыннарыыга биһиги олох тэтимиттэн хаалыа суохтаахпыт.
Бүгүҥҥү үөрүүлээх күҥҥэ өрөспүүбүлүкэбит норуоттарын төрөөбүт тылларын уонна суруктарын-бичиктэрин чөл хаалларарга туруулаһар бар дьоммор махтанабын! Киэҥ Сахабыт сирин хайа баҕар муннугар төрөөбүт тылбыт сайда турдун!»
Саха Өрөспүүбүлүкэтин Ил Дархана Айсен Николаев
Последние новости
Рекламный баннер 728x90px center-bottom